జొన్నగిరి గోల్డ్ మైనింగ్ ప్రాజెక్టును ప్రారంభించనున్న సీఎం చంద్రబాబు

ఆంధ్రప్రదేశ్ ముఖ్యమంత్రి చంద్రబాబు నాయుడు ఈరోజు కర్నూలు జిల్లా తుగ్గలి మండలం జొన్నగిరి గోల్డ్ మైనింగ్ ప్రాజెక్టును ప్రారంభించనున్నారు. ఉదయం 11:30 గంటలకు ఆయన జొన్నగిరి హెలిప్యాడ్ వద్దకు చేరుకుంటారు. ఈ కార్యక్రమంలో భాగంగా బహిరంగ సభ, క్యాడర్ సమావేశం నిర్వహించనున్నారు.

జిల్లా కలెక్టర్ సిరి, ఎస్పీ విక్రాంత్, ఎమ్మెల్యే కె.ఈ. శ్యామ్ కుమార్ ఏర్పాట్లను పరిశీలించారు. ఈ గని ప్రాజెక్టుకు 2009లో భూసేకరణ మొదలైంది. 2014లో నీటి వనరుల ఏర్పాటు చేశారు. 2019 నుంచి 2024 వరకు ప్రాజెక్టులో పురోగతి కనిపించలేదు. ప్రస్తుత ప్రభుత్వం హయాంలో తిరిగి కార్యక్రమం చేపట్టారు.

ఈ గని ప్రారంభంతో పత్తికొండ ప్రాంతంతో పాటు ఆంధ్రప్రదేశ్‌కు ఆర్థికంగా లాభం చేకూరుతుందని భావిస్తున్నారు. ముఖ్యమంత్రి పలు అభివృద్ధి కార్యక్రమాల్లో పాల్గొంటారు.