పిల్లలు భారం కాదు, ఆదాయంగా మార్చాం: రంపచోడవరంలో సీఎం చంద్రబాబు

రంపచోడవరంలో భారీ తల్లిదండ్రులు-ఉపాధ్యాయుల సమావేశం నిర్వహించారు. ముఖ్యమంత్రి చంద్రబాబు నాయుడు, మంత్రి నారా లోకేష్ ఈ కార్యక్రమంలో పాల్గొన్నారు.

సీఎం మాట్లాడుతూ, పిల్లలు భారం కాదని, వారిని ఆదాయంగా భావించేలా ప్రభుత్వం ఆలోచనను మార్చిందని చెప్పారు. తల్లికి వందనం పథకం కింద ఎంతమంది పిల్లలు ఉన్నా తల్లి ఖాతాకు డబ్బులు జమ చేస్తున్నట్లు తెలిపారు. అయిదుగురు పిల్లలు ఉంటే రూ.75,000, ఆరుగురు ఉంటే రూ.90,000 వరకు సహాయం అందుతోందని వివరించారు.

మంత్రి లోకేష్ ప్రభుత్వ పాఠశాలల పూర్వవైభవాన్ని తీసుకురావడమే లక్ష్యమని అన్నారు. తల్లికి వందనం కేవలం ఆర్థిక సాయం కాదని, తల్లిని, గురువును గౌరవించడమే దీని అసలు ఉద్దేశమని చెప్పారు. మార్పు సాధించాలంటే తల్లిదండ్రులు, విద్యార్థులు, ఉపాధ్యాయులు అనుసంధానం కావాలని పిలుపునిచ్చారు.