కేఎల్ రావు సేవలను గుర్తుంచుకోవాలని సీఎం చంద్రబాబు విజ్ఞప్తి

సీఎం చంద్రబాబు నాయుడు మాట్లాడుతూ, నీటి పారుదల రంగంలో విశేష సేవలందించిన ఇంజనీర్ కేఎల్ రావును ప్రజలు గుర్తుంచుకోవాలని కోరారు. చిన్న లోపాలను ఎత్తిచూపుతూ, చేసిన మంచి పనులను విస్మరించడం మన దేశంలో ఒక సమస్యగా మారిందని ఆయన అభిప్రాయపడ్డారు.

కృష్ణా డెల్టా అభివృద్ధి, శ్రీశైలం జలాశయం నుంచి రాయలసీమకు నీటి సరఫరా వంటి విషయాలను CM గుర్తు చేశారు. అనంతపూర్ జిల్లా వంటి కరువు ప్రాంతంలో గొల్లపల్లె రిజర్వాయర్ నిర్మాణం ఒక సంవత్సరంలోనే పూర్తి చేయడం వల్ల అక్కడ కియా సిటీ వంటి పరిశ్రమలు ఏర్పాటయ్యాయని చంద్రబాబు తెలిపారు. ఇది తెలుగుదేశం పార్టీ చూపిన చొరవ అని ఆయన పేర్కొన్నారు. నీరు లభ్యమైతే పరిశ్రమలు వస్తాయని, భూమి విలువ పెరిగి రైతులకు లాభం జరుగుతుందని వివరించారు.

కాటన్ దొర, శివరామకృష్ణయ్యలతో పాటు కేఎల్ రావును కూడా తెలుగు ప్రజలు ఎప్పటికీ స్మరించుకోవాలని చంద్రబాబు అన్నారు. నందమూరి తారక రామారావు చరిత్రలో యుగ పురుషుడిగా నిలిచిపోతారని వ్యాఖ్యానించారు.