పోలవరం జిల్లా అధికారుల పనితీరు సమీక్షలో చంద్రబాబు: కొన్ని విభాగాలకు ప్రశంసలు, మరికొన్నింటికి హెచ్చరికలు

AP CM చంద్రబాబు నాయుడు పోలవరం జిల్లా అధికారులతో సమీక్ష సమావేశం నిర్వహించారు. ఈ సమావేశంలో వివిధ విభాగాల వారీగా డేటా చూపిస్తూ, రాష్ట్ర సగటుతో పోల్చి పనితీరు నివేదిక ఇచ్చారు.

సెల్ఫ్ హెల్ప్ గ్రూపులు (3.28%), ఈ-ఫైల్ సర్వే (17.73%), సీఎం రిలీఫ్ (4.26%) విభాగాలు రాష్ట్ర సగటు కంటే మెరుగ్గా పని చేశాయి. CM ఈ విభాగాల అధికారులను ప్రత్యేకంగా అభినందించారు.

ఘన వ్యర్థ పదార్థాల నిర్వహణ (-0.50%), వీధి దీపాలు (-0.76%), ఎన్టీఆర్ భరోసా పెన్షన్లు (-2.72%), తాగునీరు (-5.12%), ఆర్అండ్బీ-పంచాయతీరాజ్ రోడ్లు (-14%), రికార్డ్ ఆఫ్ రైట్స్ (-6.06%) విభాగాలు నిరాశపరిచాయి. ఈ విభాగాల అధికారుల్ని CM హెచ్చరించారు.

పనితీరు మెరుగవ్వకపోతే చర్యలు తప్పవని, అవినీతి ఉంటే కఠినంగా వ్యవహరిస్తామని చంద్రబాబు స్పష్టం చేశారు. పోలవరాన్ని మోడల్ జిల్లాగా తీర్చిదిద్దుతామని గతంలో ఇచ్చిన హామీని గుర్తు చేస్తూ, భవిష్యత్తులోనూ నిరంతరం పర్యవేక్షిస్తామని తెలిపారు.