పవన్‌పై కుల రంగు వ్యాఖ్యలపై సీఎం చంద్రబాబు హెచ్చరిక

AP సీఎం చంద్రబాబు నాయుడు విజయవాడలో జరిగిన ఒక సంఘటనను ఉదాహరించి, డిప్యూటీ సీఎం పవన్ కళ్యాణ్ పై చేస్తున్న వ్యాఖ్యల విషయంలో హెచ్చరికలు జారీ చేశారు. కొందరు పవన్ పై నోరు పారేసుకుంటున్నారని, నోరు మూయించే శక్తి ఎన్డీఏ ప్రభుత్వానికి ఉందని స్పష్టం చేశారు.

విజయవాడలో జరిగిన ఒక సంఘటనలో కొందరు పవన్ పై కులం రంగు పులిమిన వ్యాఖ్యలు చేశారని సీఎం తెలిపారు. అక్కడికి వెళ్లిన సీఐ కూడా కాపు అని, బాధితుడు కాపు అని, ఈ ఘటనకు రాజకీయ రంగు పులిమి పవన్ ను టార్గెట్ చేయడాన్ని తీవ్రంగా పరిగణించాలని హెచ్చరించారు. అనవసరంగా నోరు వారేసుకుంటే ఎన్టీఏ సర్కార్ నోర్లు మూయిస్తుందని స్పష్టం చేశారు.

అదే సమయంలో, తమ ప్రభుత్వం ప్రతిష్టాత్మకంగా చేపట్టిన మెగా డీఎస్సీ ద్వారా 16 వేల మందికి అవినీతి లేకుండా ఉపాధ్యాయ ఉద్యోగాలు ఇచ్చామని సీఎం చెప్పారు. గత ప్రభుత్వం ఐదేళ్లలో ఒక్క టీచర్ పోస్టు కూడా భర్తీ చేయలేదని విమర్శించారు. మెగా డీఎస్సీకి సంబంధించి తానే తొలి సంతకం చేశానని, 16 వేల మంది ఉద్యోగులు సంతోషంగా ఉన్నారని తెలియజేశారు.

కాగా, పవన్ పై వ్యాఖ్యల విషయంలో వైఎస్ఆర్ కాంగ్రెస్ పార్టీ నుంచి ప్రస్తుతానికి ఎలాంటి స్పందన లేదు.