ఇబ్రహీంపట్నం కౌంటింగ్ సెంటర్‌లో ఉద్రిక్తత: ఓట్ల తేడాపై YSRCP ఏజెంట్ల ఆందోళన

ఎన్టీఆర్ జిల్లా ఇబ్రహీంపట్నం మండలం కౌంటింగ్ సెంటర్‌లో ఓట్ల లెక్కింపు సమయంలో ఉద్రిక్తత చోటుచేసుకుంది. బ్యాలెట్ బాక్స్‌లలో ఓట్ల సంఖ్యలో తేడా ఉందంటూ YSRCP ఏజెంట్లు ఆందోళనకు దిగారు.

పోలింగ్ రోజున ఇచ్చిన PO ఫారంలో ఉన్న ఓట్లకు, ఇవాళ బ్యాలెట్ బాక్స్‌లలో ఉన్న ఓట్లకు తేడాలు ఉన్నాయని ఏజెంట్లు ఆరోపించారు. ఒక్క బూత్‌లోనే సుమారు ఏడు ఓట్ల తేడా ఉన్నట్టు గుర్తించామని వారు తెలిపారు.

ఈ తేడాపై అధికారులు సరైన సమాధానం ఇవ్వడం లేదని YSRCP ఆగ్రహం వ్యక్తం చేసింది. ఎన్నికల ప్రక్రియలో తప్పులు ఉన్నాయని, అధికారులు నిర్లక్ష్యంగా వ్యవహరిస్తున్నారని ఏజెంట్లు ఆరోపించారు. గెలుపోటములు ఆ ఓట్లపై ఆధారపడితే ఏం జరుగుతుందని వారు ప్రశ్నించారు.

ఈ ఆరోపణలపై ఎన్నికల అధికారుల స్పందన లభ్యం కాలేదు.