సోమవారం చంద్రశేఖరాష్టకం: అపమృత్యు దోష నివారణకు శివ స్తోత్రం

చంద్రశేఖరాష్టకం సోమవారం చదవాల్సిన శక్తివంతమైన శివ స్తోత్రం. అపమృత్యు దోష నివారణకు, ఆరోగ్య ప్రాప్తికి ఈ స్తోత్రం పఠించడం శ్రేయస్కరమని చెప్తారు.

పురాణాల ప్రకారం, యమధర్మరాజు మార్కండేయుడి మెడలో యమపాశం వేసినప్పుడు, మార్కండేయుడు శివుడిని ప్రార్థించాడు. ఆ ప్రార్థనే చంద్రశేఖరాష్టకం అని చెప్తారు.

ఈ స్తోత్రంలో 'భేషజం భవరోగిణం అఖిలాపదామపహారిణం' అనే వరుస వస్తుంది. భవరోగం అంటే సంసార మాయలో ఉండిపోవడం, శివతత్వాన్ని అర్థం చేసుకోలేకపోవడం అని వివరిస్తారు. పరమేశ్వరుడు ఈ భవరోగాన్ని తొలగిస్తాడని స్తోత్రం చెప్తోంది.

'భుక్తి ముక్తి ఫలప్రదం సకలాగ సంఘ నిబర్హణం చంద్రశేఖరమాశ్రయే మమకిం కరిష్యతి వయ్యమా' అంటూ మార్కండేయుడు చంద్రశేఖరుడిని శరణు కోరాడు. అన్ని పాపాలను పోగొట్టే శక్తి పరమేశ్వరుడికి ఉందని ఈ శ్లోకం వివరిస్తోంది.