చెక్క బొమ్మల తయారీతో అంతర్జాతీయ మార్కెట్కు చేరిన చిత్తూరు యువకుడు

చిత్తూరు జిల్లా పుత్తూరు మండలం తోరూరు గ్రామానికి చెందిన వంశీకృష్ణ కుటుంబ వృత్తి అయిన చెక్క బొమ్మల తయారీని అంతర్జాతీయ మార్కెట్కు తీసుకెళ్తున్నారు. MBA పూర్తిచేసిన ఆయన ఉద్యోగానికి వెళ్లకుండా ఈ వృత్తిని కొనసాగిస్తున్నారు.

వంశీకృష్ణ తాతగారు చిన్న రాజా రాణి బొమ్మలతో ఈ పని మొదలుపెట్టారు. ఆయన తండ్రి ఇంటీరియర్ ప్యానెల్స్ వైపు వ్యాపారాన్ని మార్చారు. 2017లో తండ్రి గుండెపోటుతో మరణించారు. ఆ తర్వాత తల్లి ఈ పనిని కొనసాగించారు. 2017-18లో చదువు పూర్తయిన తర్వాత వంశీకృష్ణ ఈ వృత్తిలోకి వచ్చారు.

ఈ యూనిట్లో ఆరు అంగుళాల నుంచి 12 అడుగుల వరకు బొమ్మలు, దేవుడి విగ్రహాలు తయారవుతాయి. వేప, సీమచింత, teak wood కలపను వాడుతున్నారు. ఈ కలప చెదపురుగులను తట్టుకుంటుంది. శ్రీలంక, స్విట్జర్లాండ్, మలేషియా, అమెరికాలకు వీరు ఎగుమతులు చేస్తున్నారు. కస్టమర్లు కోరే డిజైన్లను AI సాయంతో రూపొందిస్తున్నారు.

ప్రస్తుతం ఈ పరిశ్రమలో 180 మంది పనిచేస్తున్నారు. ఈ సంఖ్యను 1000 మందికి పెంచాలనే లక్ష్యం ఉందని వంశీకృష్ణ చెప్పారు. ఆసక్తి ఉన్నవారికి ఉచిత శిక్షణ ఇస్తామని తెలిపారు. కార్మికులకు సమయానికి వేతనాలు చెల్లిస్తామని, అత్యవసర అవసరాల్లో ఆర్థిక సహాయం అందిస్తామని పేర్కొన్నారు.