సాయి కృష్ణ కస్టడీ మరణం: సీఐ నాగరాజుకు 8 రోజుల పోలీస్ కస్టడీకి హైకోర్టు అనుమతి

సాయి కృష్ణ కస్టోడియల్ డెత్ కేసులో ఏపీ హైకోర్టు కీలక ఉత్తర్వులు జారీ చేసింది. సస్పెండ్ అయిన సర్కిల్ ఇన్స్పెక్టర్ నాగరాజుకు 8 రోజుల పోలీస్ కస్టడీకి అనుమతించింది.

దిగువ కోర్టు గతంలో నాగరాజును రాజమండ్రి సెంట్రల్ జైలులో మాత్రమే విచారించాలని, ఆ ప్రక్రియను ఆడియో-వీడియో రికార్డ్ చేయాలని షరతులు విధించింది. ఈ నిబంధనలతో సాక్ష్య సేకరణ, క్రైమ్ సీన్ రీకన్స్ట్రక్షన్ కష్టమవుతుందని సిట్ (ప్రత్యేక దర్యాప్తు బృందం) హైకోర్టును ఆశ్రయించింది.

సిట్ వాదనలతో ఏకీభవించిన జస్టిస్ కొంచెం మహేశ్వరరావు, దిగువ కోర్టు షరతులను సడలిస్తూ ఈ ఉత్తర్వులు జారీ చేశారు. ఈ నేపథ్యంలో ప్రస్తుతం సీఐ నాగరాజును కృష్ణలంక పోలీస్ స్టేషన్‌లో విచారిస్తున్నారు.

కేసు వివరాల ప్రకారం, సాయి కృష్ణ తల్లి ఫిర్యాదులో తన కుమారుడిని పోలీసులు అక్రమంగా నిర్బంధించి చిత్రహింసలకు గురిచేసి చంపినట్లు, మృతదేహాన్ని విద్యుత్ స్మశాన వాటికలో రహస్యంగా దహనం చేసినట్లు ఆరోపించారు. ఈ కేసు దర్యాప్తు కొనసాగుతోంది.