మియాపూర్లో భర్త హత్య కేసు: 9 నెలల తర్వాత నిందితులు అరెస్ట్
హైదరాబాద్లోని మియాపూర్ పోలీసులు 9 నెలల క్రితం తప్పిపోయిన వ్యక్తి హత్య కేసును ఛేదించారు. ఈ హత్యలో భార్య, ఆమె ప్రియుడు, మరో స్నేహితుడు నిందితులుగా తేలింది.
గత నవంబర్లో భర్త కనిపించడం లేదని భార్య సత్యవతి మియాపూర్ పోలీస్ స్టేషన్లో ఫిర్యాదు చేసింది. దర్యాప్తు ప్రారంభించిన పోలీసులు సత్యవతి సెల్ఫోన్ కాల్ డేటాను పరిశీలించారు. ఒక అనుమానిత నంబర్ నుండి తరచూ కాల్స్ వచ్చినట్లు గుర్తించారు.
ఆ నంబర్ను ట్రేస్ చేసి ప్రియుడిని అదుపులోకి తీసుకున్నారు. విచారణలో సత్యవతి తన భర్తకు అన్నంలో నిద్రమాత్రలు కలిపి పెట్టినట్లు, నిద్రలోకి జారిన తర్వాత దిండుతో నుదిమి చంపినట్లు ఒప్పుకుంది. తర్వాత ప్రియుడితో కలిసి మృతదేహాన్ని కారులో మహారాష్ట్ర సరిహద్దుకు తరలించి, పెట్రోల్ పోసి తగలబెట్టి అక్కడ పూడ్చిపెట్టినట్లు వివరించింది.
పోలీసులు మహారాష్ట్ర సరిహద్దులో మృతదేహం ఉన్న ప్రదేశాన్ని గుర్తించి దానిని వెలికి తీశారు. సత్యవతి, ప్రియుడు, సహాయం చేసిన మరో స్నేహితుడిని మొత్తం ముగ్గురిని అదుపులోకి తీసుకున్నారు. ఈ కేసుపై త్వరలో మీడియా సమావేశంలో పూర్తి వివరాలు వెల్లడిస్తామని అధికారులు తెలిపారు.
వార్త ఆధారాలు: పబ్లిక్ న్యూస్ బ్రాడ్కాస్ట్లు, అధికారిక అప్డేట్లు, ఉషా కిరణం ఎడిటోరియల్ ప్రమాణాలు.
సవరణల కోసం సంప్రదించండి: help@ushakiranam.com
