సాయికృష్ణ కేసు: సీఐ నాగరాజు కస్టడీ షరతులపై హైకోర్టులో వాదనలు ముగింపు

సాయికృష్ణ మృతి కేసులో సీఐ నాగరాజు పోలీస్ కస్టడీకి సంబంధించిన షరతులపై హైకోర్టులో వాదనలు ముగిశాయి. విజయవాడ కింది కోర్టు విధించిన షరతులను సవాల్ చేస్తూ పీపీఎం కోర్టును ఆశ్రయించారు.

ప్రభుత్వ న్యాయవాది (పీపీఎం) లక్ష్మీనారాయణ వాదిస్తూ, నాగరాజును రాజమహేంద్రవరం జైల్లోనే విచారించాలనే షరతు దర్యాప్తుకు ఆటంకంగా ఉందని తెలిపారు. ఆడియో రికార్డింగ్ దర్యాప్తుపై ప్రభావం చూపుతుందని పేర్కొన్నారు. కృష్ణలంక పోలీస్ స్టేషన్‌లో ఇతర సాక్షులతో కలిపి నాగరాజును ప్రశ్నించాల్సిన అవసరం ఉందని, ఆధారాలు దొరికితే సీన్ రీకన్స్ట్రక్షన్ చేయాలని వివరించారు. నాగరాజు హక్కులకు భంగం కలగదని, ఒకవేళ ప్రాణహాని ఆందోళన ఉంటే విచారణ సమయంలో గుంటూరు జైలుకు తరలించే ఏర్పాటు చేస్తామన్నారు.

నాగరాజు తరపు న్యాయవాది చల్లా అజయ్ కుమార్ వాదిస్తూ, ప్రాణహాని ఉన్నందున రాజమహేంద్రవరం జైల్లోనే విచారణ జరగాలని అన్నారు. బీఎన్ఎస్ చట్టం ప్రకారం నిందితుడిని ప్రశ్నించే మొత్తం ప్రక్రియ ఆడియో-వీడియో రికార్డింగ్ తప్పనిసరని, మౌనంగా ఉండే హక్కు కూడా ఉంటుందని ఆయన గుర్తుచేశారు.

ఇరువైపు వాదనలు ముగియడంతో న్యాయమూర్తి జస్టిస్ కుంచం మహేశ్వరరావు ఈ రోజు నిర్ణయం ప్రకటిస్తామని తెలిపారు.