పల్నాడు జిల్లా ముప్పాళ్ల ఎస్సీ కాలనీలో రెండు వర్గాల మధ్య ఘర్షణ

పల్నాడు జిల్లా ముప్పాళ్ల ఎస్సీ కాలనీలో రెండు వర్గాల మధ్య ఘర్షణ జరిగింది. విగ్రహాల ఏర్పాటుకు విరాళాల వసూళ్లపై ఈ వివాదం మొదలైంది.

సోషల్ మీడియాలో విరాళాల ప్రచారం నేపథ్యంలో రెండు వర్గాలు కర్రలు, రాళ్లతో దాడి చేసుకున్నాయి. ఈ దాడిలో పలువురికి తీవ్ర గాయాలయ్యాయి. తలకు గాయాలైన వారిని ఆసుపత్రికి తరలించారు.

ఆసుపత్రిలో కూడా రెండు వర్గాల మధ్య వాగ్వాదం జరిగింది. పోలీసులు అక్కడికి చేరుకుని ఇరు వర్గాలను సముదాయించే ప్రయత్నం చేశారు.