జొన్నగిరిలో గోల్డ్ మైన్ ప్రారంభించిన సీఎం చంద్రబాబు

కర్నూలు జిల్లా తుగ్గలి మండలం జొన్నగిరిలో గోల్డ్ మైన్‌ను ముఖ్యమంత్రి చంద్రబాబు నాయుడు శుక్రవారం ప్రారంభించారు.

జియో మైసూర్ డెకన్ గోల్డ్ సంస్థ ఈ గని నుంచి ముడి ఖనిజం తవ్వి బంగారం ఉత్పత్తి చేయనుంది. సీఎంతో పాటు రాష్ట్ర గనుల శాఖ మంత్రి కొల్లు రవీంద్ర, ఇతర అధికారులు ఈ కార్యక్రమంలో పాల్గొన్నారు.

సీఎం చంద్రబాబు మాట్లాడుతూ రాయలసీమను రత్నాల సీమగా మార్చే దిశగా జొన్నగిరి తొలి అడుగు అన్నారు. ఇప్పటి వరకు కేజీఎఫ్ గురించి చర్చ జరిగేదని, ఇకపై జొన్నగిరి గురించి చర్చ జరుగుతుందని వ్యాఖ్యానించారు. 2047 నాటికి ఆంధ్రప్రదేశ్‌ను స్వర్ణ ఆంధ్రప్రదేశ్‌గా తీర్చిదిద్దాలని తన లక్ష్యమని తెలిపారు.

మంత్రి కొల్లు రవీంద్ర మాట్లాడుతూ గత ప్రభుత్వ విధానాలతో రాష్ట్ర మైనింగ్ రంగం దెబ్బతిన్నదని ఆరోపించారు. ప్రస్తుత ప్రభుత్వం ఆ రంగాన్ని 32 శాతం వృద్ధికి తీసుకెళ్లినట్లు చెప్పారు. ఈ ప్రాజెక్టుతో భవిష్యత్తులో 20 లక్షల మందికి ఉద్యోగ అవకాశాలు లభిస్తాయని ఆశాభావం వ్యక్తం చేశారు.