సీఎం చంద్రబాబు: విద్యార్థుల చదువు కోసం తల్లిదండ్రుల చేత ప్రమాణం

ముఖ్యమంత్రి నారా చంద్రబాబు నాయుడు విద్యార్థుల చదువు కోసం తల్లిదండ్రుల చేత ప్రమాణం చేయించారు. ఈ సందర్భంగా తల్లిదండ్రులు తమ పిల్లలను ప్రతిరోజు పాఠశాలకు పంపుతామని ప్రతిజ్ఞ చేశారు.

ప్రమాణంలో భాగంగా, పిల్లల చదువుకు ఇంటి వద్ద ఎలాంటి ఆటంకం కలగకుండా సహకరిస్తామని తెలిపారు. గ్రామంలో బడి బయట పిల్లలు లేకుండా చూసుకోవడంతోపాటు ఉపాధ్యాయులకు సహకరించి పాఠశాల అభివృద్ధిలో పాల్గొంటామన్నారు. పర్యావరణ పరిరక్షణకు కూడా కృషి చేస్తామని ప్రతిజ్ఞ చేశారు.

ఆంధ్రప్రదేశ్‌ను ఆరోగ్య, ఆనంద, సుసంపన్న రాష్ట్రంగా తీర్చిదిద్దే స్వర్ణాంధ్ర 2047 లక్ష్య సాధనకు సహకరిస్తామని, పిల్లలను ఉత్తమ మానవ వనరులుగా తయారు చేస్తామని తల్లిదండ్రులు ప్రతిజ్ఞ చేశారు.