యంగ్ ఇండియా స్పోర్ట్స్ యూనివర్సిటీ ఏర్పాటు: దారి చూపాల్సిన బాధ్యత పాలకులదే: సీఎం రేవంత్ రెడ్డి

సీఎం రేవంత్ రెడ్డి మాట్లాడుతూ, 140 కోట్ల జనాభా ఉన్న భారతదేశం ఒలింపిక్స్‌లో ఇన్నాళ్లుగా ఒక్క స్వర్ణం కూడా సాధించలేకపోవడం విచారకరమని అన్నారు. దీనికి పాలకులు సరైన దిశా నిర్దేశం చేయకపోవడమే కారణమని ఆయన పేర్కొన్నారు.

దక్షిణ కొరియాలోని క్రీడా విశ్వవిద్యాలయం ఆ దేశానికి 16 స్వర్ణాలు అందించిన ఉదాహరణను గుర్తుచేశారు. అదే స్ఫూర్తితో తెలంగాణ ప్రభుత్వం 'యంగ్ ఇండియా స్పోర్ట్స్ యూనివర్సిటీ'ని పబ్లిక్ ప్రైవేట్ భాగస్వామ్యంతో ఏర్పాటు చేస్తోందని వెల్లడించారు.

రెండు సంవత్సరాల్లో ఈ విశ్వవిద్యాలయం దేశానికి ఒక నమూనాగా మారి, రాబోయే ఒలింపిక్స్‌లలో స్వర్ణాలు సాధించడానికి పునాది అవుతుందని సీఎం తెలిపారు. విద్యార్థులు క్రీడలపై దృష్టిపెట్టాలని ఆయన పిలుపునిచ్చారు.