హైదరాబాద్ ఎల్బీ స్టేడియంలో 'చదువుల పండగ' కార్యక్రమం; సీఎం రేవంత్, గవర్నర్ సందడి

హైదరాబాద్ లోని ఎల్బీ స్టేడియంలో శుక్రవారం 'చదువుల పండగ' కార్యక్రమం జరిగింది. ముఖ్యమంత్రి రేవంత్ రెడ్డి, రాష్ట్ర గవర్నర్ ఈ కార్యక్రమంలో పాల్గొని విద్యార్థుల స్టాల్స్ ను పరిశీలించారు.

ఈ సందర్భంగా 'అన్న అక్క మెంటార్షిప్' పథకాన్ని ప్రారంభించారు. ఈ పథకం ద్వారా పెద్ద విద్యార్థులు చిన్న విద్యార్థులకు టెక్నాలజీ, రోబోటిక్స్ తదితర రంగాల్లో శిక్షణ ఇస్తారు. సీఎం మాట్లాడుతూ, ప్రస్తుతం స్కిల్ బేస్డ్ ఉద్యోగాలకు ఎక్కువ అవకాశాలు ఉన్నాయని అన్నారు. అమెరికాలో ఎంఎస్ కంప్యూటర్ సైన్స్ పూర్తి చేసిన వారికంటే మెకానికల్ ఇంజనీరింగ్, రోబోటిక్స్ నేర్చుకున్న వారికి ఉపాధి ఎక్కువగా లభిస్తోందని చెప్పారు.

అనంతరం డ్రగ్స్ నిర్మూలన ప్రతిజ్ఞను విద్యార్థులు చేశారు. సీనియర్ ఐపీఎస్ అధికారులు సందీప్ షాండిల్య, పీవీ పద్మజలు ఈ ప్రతిజ్ఞ చేయించారు. టీచర్లు మరియు వివిధ షెడ్యూల్డ్ కులాలు, షెడ్యూల్డ్ తెగలు, వెనుకబడిన తరగతుల విద్యా సంస్థలు ఈ కార్యక్రమంలో పాల్గొన్నాయి.