కేంద్ర ప్రభుత్వం తెలంగాణ ధాన్యం కొనాలి: సీఎం రేవంత్ రెడ్డి

తెలంగాణలో పండించిన వరి ధాన్యాన్ని కేంద్ర ప్రభుత్వం కొనుగోలు చేయాలని ముఖ్యమంత్రి రేవంత్ రెడ్డి డిమాండ్ చేశారు. ఆదిలాబాద్‌లో నిర్వహించిన బహిరంగ సభలో ఆయన మాట్లాడారు.

75 లక్షల క్వింటాళ్ల ధాన్యం, 20 లక్షల క్వింటాళ్ల మొక్కజొన్న, జొన్న, పొద్దుతిరుగుడు విత్తనాలను కేంద్రం తప్పనిసరిగా కొనాలని ఆయన పేర్కొన్నారు. రాష్ట్ర ప్రభుత్వం ఈ పంటలను సేకరించి కేంద్రానికి అందజేస్తుందని, వాటిని కొనుగోలు చేయాల్సిన బాధ్యత కేంద్రంపై ఉందని వివరించారు.

ఒకవేళ కేంద్రం కొనుగోలు చేయకపోతే జూన్ 15 తర్వాత కార్యాచరణ ప్రకటిస్తామని హెచ్చరించారు. అదే సందర్భంలో తుమ్మిడిహట్టి వద్ద గోదావరి జలాలపై ప్రాజెక్టు నిర్మించి ఆదిలాబాద్‌కు రెండు లక్షల ఎకరాలకు సాగునీరు అందించాలన్న ప్రతిపాదనకు ప్రజల మద్దతు కోరారు.