యాదగిరిగుట్టపై వేద పాఠశాల భవనానికి CM రేవంత్ రెడ్డి శంకుస్థాపన

తెలంగాణ CM రేవంత్ రెడ్డి యాదగిరిగుట్ట క్షేత్రంలో సాంప్రదాయ వేద పాఠశాల భవనానికి శంకుస్థాపన చేశారు. కంచి కామకోటి పీఠాధిపతి శ్రీ శంకర విజయేంద్ర సరస్వతి స్వామి సమక్షంలో ఈ కార్యక్రమం జరిగింది.

పెద్దగుట్ట ఆలయ నగరి layout వద్ద 15 ఎకరాల విస్తీర్ణంలో వేద పాఠశాల నిర్మించనున్నారు. రెండేళ్లలో నిర్మాణం పూర్తి చేసి తరగతులు ప్రారంభించనున్నారు.

ఈ ప్రాజెక్టుకు మొత్తం ₹43.79 కోట్లు కేటాయించారు. అందులో ₹9.88 కోట్లతో కొండపై నిత్య కల్యాణం రంగమండపం నిర్మిస్తారు. ₹1.41 కోట్లతో మెట్ల మార్గానికి పైకప్పు, ₹1.44 కోట్లతో మాడవీధులకు మెట్లు నిర్మిస్తారు. ₹43.5 కోట్లతో దీక్షాపరుల మండపం పనులకు కూడా శంకుస్థాపన జరిగింది.

శంకుస్థాపన అనంతరం CM రేవంత్ రెడ్డి శ్రీ లక్ష్మీ నరసింహ స్వామిని దర్శించుకున్నారు. ఆ తర్వాత హైదరాబాద్‌కు తిరిగి వెళ్లారు.