ప్రొఫెసర్ జయశంకర్, గద్దర్‌లకు సీఎం రేవంత్ రెడ్డి నివాళి

హైదరాబాద్‌లోని జూబ్లీ హిల్స్‌లో తన నివాసంలో ముఖ్యమంత్రి రేవంత్ రెడ్డి ప్రొఫెసర్ జయశంకర్, ప్రజా కవి గద్దర్‌లకు నివాళులర్పించారు.

ప్రొఫెసర్ జయశంకర్ జయంతి, గద్దర్ వర్థంతి సందర్భంగా ఈ నివాళులు అర్పించారు. ఈ సందర్భంగా సీఎం మాట్లాడుతూ తెలంగాణ ఉద్యమంలో ప్రొఫెసర్ జయశంకర్ పాత్ర కీలకమని అన్నారు. ఆయన ఆశయాల సాధనకు తమ ప్రభుత్వం కట్టుబడి ఉందని స్పష్టం చేశారు.

ప్రజా కవి గద్దర్‌ను స్మరించుకుంటూ, గద్దర్ పాటలు తెలంగాణ ప్రజల్లో సామాజిక చైతన్యం నింపాయని, ఆయన ఆటపాట ప్రజల హృదయాల్లో చిరస్థాయిగా నిలుస్తాయని సీఎం అన్నారు. గద్దర్ తన పాటను ప్రజా ఉద్యమాలకు ఆయుధంగా మార్చారని రేవంత్ రెడ్డి ప్రశంసించారు.