హైదరాబాద్‌లో 'కాక్రోచ్ జనతా పార్టీ' నిరసన, నీట్ లీక్‌పై కేంద్ర మంత్రి రాజీనామా డిమాండ్

హైదరాబాద్‌లో 'కాక్రోచ్ జనతా పార్టీ' (CJP) పేరిట నేడు నిరసన ప్రదర్శన నిర్వహించారు. ఇందిరా పార్క్ ధర్ణా చౌక్ వద్ద జరిగిన ఈ ధర్నాలో కేంద్ర విద్యాశాఖ మంత్రి ధర్మేంద్ర ప్రధాన్ రాజీనామా చేయాలని డిమాండ్ చేశారు.

నీట్ (NEET) పరీక్ష ప్రశ్నపత్రాల లీకేజీ, సీబీఎస్‌ఈ పరీక్షల మూల్యాంకనంలో అవకతవకలు, ఇతర విద్యా అంశాలపై ఈ నిరసన చేపట్టారు. పార్టీ వ్యవస్థాపకుడు అభిషేక్ బెడ్కే కార్యక్రమానికి నాయకత్వం వహించారు.

పోలీసులు 200 మందికి మాత్రమే ధర్నాకు అనుమతి ఇచ్చారు. అయినా పెద్ద సంఖ్యలో యువత హాజరయ్యే అవకాశం ఉందని నిర్వాహకులు భావించారు. ఎలాంటి అవాంఛనీయ సంఘటనలు జరగకుండా భారీ బందోబస్తు ఏర్పాటు చేశారు.

ఢిల్లీ జంతర్ మంతర్, పుణేలో కూడా ఇటీవల సీజేపీ నిరసనలు నిర్వహించింది. దేశవ్యాప్తంగా మెట్రో నగరాల్లో ఇలాంటి ధర్నాలు కొనసాగిస్తున్నట్లు నిర్వాహకులు తెలిపారు.

ఈ పార్టీకి ఇన్‌స్టాగ్రామ్‌లో లక్షల మంది ఫాలోవర్లు ఉన్నారు. యువత సోషల్ మీడియా ద్వారా తమ అసంతృప్తిని వ్యక్తం చేస్తున్నారు. నీట్ పేపర్ లీక్ వ్యవహారం దేశవ్యాప్తంగా విద్యార్థుల నుంచి తీవ్ర నిరసన వ్యక్తమవుతోంది.