రాజానగరంలో డాక్టర్ ప్రియాంక సంతాప సభ, రూ.20 లక్షల సాయం ప్రకటించిన జీఎస్ఎల్ కాలేజీ

తూర్పు గోదావరి జిల్లా రాజానగరంలోని జీఎస్ఎల్ మెడికల్ కాలేజీలో డాక్టర్ ప్రియాంక మృతికి సంతాప సభ నిర్వహించారు. ఈ సభలో ప్రొఫెసర్లు, వైద్య విద్యార్థులు, కాలేజీ యాజమాన్యం ఆమె చిత్రపటానికి నివాళులు అర్పించారు.

జీఎస్ఎల్ మెడికల్ కాలేజీ మేనేజింగ్ డైరెక్టర్ డాక్టర్ గండి సందీప్ మాట్లాడుతూ, ప్రియాంక కుటుంబానికి రూ.20 లక్షల ఆర్థిక సహాయం అందిస్తామని ప్రకటించారు. కాలేజీ విద్యార్థుల సహకారంతో ఈ మొత్తాన్ని కుటుంబానికి అందజేస్తామని ఆయన తెలిపారు. ఈ కార్యక్రమంలో డాక్టర్ సాధిక, తరుణ్ దగ్గరుండి చెక్కును కుటుంబానికి అందజేయనున్నారు.

ఇదిలా ఉండగా, ఆంధ్రప్రదేశ్ ప్రభుత్వం కూడా ప్రియాంక కుటుంబానికి రూ.20 లక్షల సాయం ప్రకటించింది. ముఖ్యమంత్రి చంద్రబాబు నాయుడు స్పందించి ఈ సహాయం అందించినట్లు అధికారులు తెలిపారు. ఈ రెండు సాయాలతో కుటుంబానికి మొత్తం రూ.40 లక్షలు అందనున్నాయి.