హైదరాబాద్-రంగారెడ్డి-మహబూబ్‌నగర్ పట్టభద్రుల MLC ఎన్నికపై కాంగ్రెస్ దృష్టి

హైదరాబాద్, రంగారెడ్డి, మహబూబ్‌నగర్ జిల్లాల పట్టభద్రుల MLC ఎన్నికపై కాంగ్రెస్ పార్టీ దృష్టి సారించింది. రాజేంద్రనగర్‌లోని ఓ కన్వెన్షన్ హాల్‌లో మంత్రి శ్రీధర్‌బాబు ఆయా జిల్లాల ముఖ్య నేతలతో సమావేశమయ్యారు.

ఓటరు నమోదు నుంచి అభ్యర్థి ఎంపిక వరకు వ్యూహం చర్చించారు. అర్హులైన పట్టభద్రులందరినీ ఓటరుగా నమోదు చేయడం తొలి లక్ష్యమని, ప్రక్రియలో జాప్యం జరగరాదని మంత్రి సూచించారు.

నియోజకవర్గాల వారీగా నిర్దేశించిన లక్ష్యాలు పూర్తి చేయాలని, ప్రభుత్వ అభివృద్ధి, సంక్షేమ పథకాలను వివరించాలని నేతలకు చెప్పారు. MLC అభ్యర్థి ఎంపికపై పార్టీ హైకమాండ్ తుది నిర్ణయం తీసుకుంటారని, నేతల అభిప్రాయాలు అధిష్టానానికి తెలియజేస్తామని మంత్రి స్పష్టం చేశారు.