SIR ప్రక్రియపై కాంగ్రెస్ నియోజకవర్గ పర్యటనలు: బూత్ ఏజెంట్లతో సమావేశం

తెలంగాణలో ఈ నెల 25 నుంచి ప్రారంభం కానున్న SIR (సమ్మరీ రివిజన్ ఆఫ్ ఎలక్టోరల్ రోల్స్) ప్రక్రియపై కాంగ్రెస్ పార్టీ అప్రమత్తమైంది.

ఈ నేపథ్యంలో పీసీసీ చీఫ్ మహేశ్ కుమార్ గౌడ్, ఏఐసీసీ తెలంగాణ ఇంచార్జ్ మీనాక్షి నటరాజన్ జిల్లాల పర్యటనలు చేయనున్నారు. బూత్ లెవెల్ ఏజెంట్లతో సమావేశమై SIR ప్రక్రియలో తీసుకోవాల్సిన జాగ్రత్తలపై చర్చించనున్నారు.

పార్టీ బలోపేతం, క్యాడర్ సమస్యలపై కూడా చర్చించనున్నట్లు తెలుస్తోంది. ఈ నెల 21 నుంచి నియోజకవర్గ పర్యటనలు ప్రారంభించనున్నారు. 21న మక్తల్, 23న ఆందోల్ అసెంబ్లీ నియోజకవర్గాల్లో సమావేశాలు నిర్వహిస్తామని కాంగ్రెస్ వర్గాలు తెలిపాయి.

ఇటీవలి ఐదు రాష్ట్రాల అసెంబ్లీ ఎన్నికల్లో SIR ప్రభావం ఉందని అంచనా వేసిన కాంగ్రెస్, తమ అనుకూల ఓట్లు తొలగిపోకుండా ఉండేందుకు క్షేత్ర స్థాయిలో నేతలను అప్రమత్తం చేస్తోంది. బీఎల్ఏలకు శిక్షణ తరగతులు నిర్వహిస్తోంది.

రాష్ట్రవ్యాప్తంగా అన్ని నియోజకవర్గాల్లో పీసీసీ అగ్రనేతలు శిక్షణ కార్యక్రమాల్లో పాల్గొనేలా ప్రణాళికలు రూపొందించినట్లు తెలిసింది.