హుజూర్ నగర్‌లో పోలీసుల కార్డిన్ సర్చ్; 55 వాహనాలు స్వాధీనం

సూర్యపేట జిల్లా హుజూర్ నగర్ లోని అంబేద్కర్ కాలనీలో పోలీసులు తెల్లవారుజామున కార్డిన్ సర్చ్ నిర్వహించారు. డీఎస్పీ శ్రీనివాస్ రెడ్డి ఆధ్వర్యంలో ఈ తనిఖీలు జరిగాయి.

46 టూ వీలర్స్, 8 ఆటోలు, ఒక తుఫాన్ వాహనం సహా పత్రాలు లేని వాహనాలను సీజ్ చేశారు. ఇళ్లలో అక్రమ మద్యం, బెల్ట్ షాప్‌లు, మారణాయుధాలు తనిఖీ చేశారు.

9 మంది ఎస్ఐలు, 90 మంది పోలీసు సిబ్బంది, మహిళా హోంగార్డులు ఈ ఆపరేషన్‌లో పాల్గొన్నారు. సీఐ చరణ్ మంజురాజు పర్యవేక్షణలో ఈ సెర్చ్ జరిగింది.

పత్రాలు లేని వాహనాలను పోలీస్ స్టేషన్‌కు తరలించారు. యజమానులు సరైన పత్రాలు చూపించిన తర్వాత వాహనాలు విడుదల చేస్తారు. లేని పక్షంలో నిబంధనల ప్రకారం కేసులు నమోదు చేస్తామని పోలీసులు తెలిపారు.

శాంతిభద్రతల పరిరక్షణలో భాగంగా ఈ ప్రత్యేక తనిఖీలు నిర్వహించినట్లు పోలీసులు వెల్లడించారు.