CPGET 2026 ఫలితాలు విడుదల: 93.54% మంది ఉత్తీర్ణత

తెలంగాణలో పోస్ట్ గ్రాడ్యుయేట్ కోర్సుల ప్రవేశాల కోసం నిర్వహించిన కామన్ పోస్ట్ గ్రాడ్యుయేట్ ఎంట్రన్స్ టెస్ట్ (CPGET) 2026 ఫలితాలు విడుదలయ్యాయి. హైదరాబాద్ మాస్ ట్యాంక్ లో ఉన్నత విద్యా మండలి చైర్మన్ బాలకృష్ణ రెడ్డి ఈ ఫలితాలను విడుదల చేశారు.

మొత్తం 93.54% మంది అభ్యర్థులు ఉత్తీర్ణత సాధించారు. 42,526 మంది అర్హత సాధించినట్లు ఆయన తెలిపారు.

ఈ ఏడాది జూలై 8 నుండి 16 వరకు 45 పీజీ ప్రోగ్రామ్‌లకు ఆన్‌లైన్ విధానంలో CPGET పరీక్ష నిర్వహించారు. రాష్ట్ర ఉన్నత విద్యా మండలి ఆధ్వర్యంలో అడ్మిషన్ల ప్రక్రియ ఆగస్ట్ మూడో వారంలో ప్రారంభమవుతుంది. ఈ ప్రక్రియ ఆగస్ట్ 30 నాటికి పూర్తయ్యే అవకాశం ఉందని అధికారులు తెలిపారు.

గత ఏడాది 63,760 మంది రిజిస్ట్రేషన్ చేయగా, 51,317 మంది క్వాలిఫై అయ్యారు. 18,984 మంది ప్రవేశం పొందారు. ఈ ఏడాది 52,697 మంది రిజిస్ట్రేషన్ చేసుకోగా, సీట్ల సంఖ్య 42,437 గా ఉంది. ఫలితాలు వెలువడటంతో నిర్ణీత సమయంలో అడ్మిషన్లు పూర్తి చేసేందుకు వీలవుతుంది.