సైబర్ నేరాల తీవ్రతపై డీజీపీ హెచ్చరిక: గతేడాది రూ.1750 కోట్ల నష్టం

తెలంగాణ రాష్ట్ర డీజీపీ సైబర్ నేరాల గురించి మాట్లాడుతూ, ఇన్వెస్ట్మెంట్ ఫ్రాడ్స్ పెద్ద సమస్యగా మారాయని చెప్పారు. అవగాహన ఉన్నా ప్రజలు మోసాలకు గురవుతున్నారని తెలిపారు.

తనకు తెలిసిన వ్యక్తుల ఉదాహరణలు చెబుతూ, బెంగళూరులో తన బంధువు రూ.80 లక్షలు నష్టపోయాడని, డిజిటల్ అరెస్ట్ పేరిట మరో రిటైర్డ్ ఉద్యోగి రూ.35-40 లక్షలు పోగొట్టుకున్నాడని చెప్పారు.

డీజీపీ ప్రకారం, తెలంగాణలో దొంగతనాలు, దోపిడీల వల్ల సుమారు రూ.250 కోట్ల నష్టం జరగ్గా, గత సంవత్సరం సైబర్ నేరాల వల్ల రూ.1750 కోట్ల వరకు ప్రజలు నష్టపోయారు. ఇదొక నిశ్శబ్ద నేరమని ఆయన వ్యాఖ్యానించారు.

సైబర్ నేరాలపై ఫిర్యాదులు స్వీకరించడానికి ప్రోత్సహిస్తున్నామని, ఈ కారణంగా రాష్ట్రంలో అత్యధిక సైబర్ క్రైం కేసులు నమోదవుతున్నాయని వివరించారు. వీటిని కట్టడి చేయడానికి తెలంగాణ సైబర్ సెక్యూరిటీ డివిజన్ (TGCSD) పని చేస్తోందని, సమగ్ర చర్యలు తీసుకుంటామని తెలిపారు.