మురాసు తుఫాన్ బలహీనపడి ఖమ్మం సమీపంలో వాయుగుండంగా మారింది

మురాసు తుఫాన్ బలహీనపడి వాయుగుండంగా మారింది. ఖమ్మం నుంచి నైరుతి దిశలో 10 కిలోమీటర్ల దూరంలో వాయుగుండం కేంద్రం ఉన్నట్టు IMD గుర్తించింది.

వాయుగుండం గంటకు 6 కిలోమీటర్ల వేగంతో ఉత్తర దిశగా కదులుతోంది. రానున్న ఆరు గంటల్లో ఇది మరింత బలహీనపడి తీవ్ర అల్పపీఠంగా మారుతుందని వాతావరణ శాఖ అంచనా వేస్తోంది.

ప్రస్తుతం గరిష్టంగా గంటకు 46 కిలోమీటర్ల వేగంతో గాలులు వీస్తున్నాయి. ఈదురుగాలుల వేగం గంటకు 65 కిలోమీటర్ల వరకు నమోదయ్యే అవకాశం ఉంది.

తుఫాన్ బలహీనపడినా వర్ష ముప్పు పూర్తిగా తొలగిపోలేదు. తెలంగాణ, ఆంధ్రప్రదేశ్‌తో పాటు పలు రాష్ట్రాల్లో వర్షాలు కురిసే అవకాశం ఉంది. కోస్తాంధ్ర ప్రాంతంపై కూడా వాయుగుండం ప్రభావం ఉంది.

వాయుగుండం కేంద్రం నందిగామకు 50 కిలోమీటర్లు, నల్గొండకు 90 కిలోమీటర్లు, విజయవాడకు 90 కిలోమీటర్ల దూరంలో ఉంది.