డాన్సర్స్ అసోసియేషన్ ఉప ఎన్నికలు సస్పెండ్: లేబర్ కమిషన్ ఉత్తర్వులు

డాన్సర్స్ అసోసియేషన్ లో ఉప ఎన్నికల నిర్వహణపై లేబర్ కమిషన్ సస్పెండ్ చేస్తూ ఉత్తర్వులు జారీ చేసింది. జానీ మాస్టర్, సుమలత ఏకపక్షంగా తీసుకుంటున్న నిర్ణయాలు చెల్లవని మెజారిటీ డాన్సర్ సభ్యులు అభిప్రాయపడుతున్నారు.

రిజైన్ చేసిన సభ్యులను తిరిగి కలుపుకోవాలని, లేదంటే పూర్తిస్థాయి ఎన్నికలు నిర్వహించాలని ఫెడరేషన్ అల్టిమేటం జారీ చేసింది. అయితే, సుమలత ఏకపక్షంగా ఆగస్టులో ఉప ఎన్నికలు నిర్వహించాలని నిర్ణయం తీసుకోవడంతో వివాదం ముదిరింది. ఉప ఎన్నికలను ఆపడానికి సుమలత కేవియట్ పిటిషన్ వేశారు.

కొన్ని వారాల క్రితం సినీ పెద్దల సమక్షంలో జరిగిన ఒప్పందాలను పట్టించుకోకుండా అధికార దుర్వినియోగం చేస్తున్నారని ఫెడరేషన్ లేఖలో పేర్కొంది. సుమలత తీరు మారకపోతే కౌన్సిల్ సమావేశం ఏర్పాటు చేసి, మెజారిటీ సభ్యుల అభిప్రాయాలతో చర్యలు తీసుకుంటామని హెచ్చరించింది.

ఈ వివాదం నేపథ్యంలో, ‘పారడైస్’ సినిమాలో జానీ మాస్టర్‌ని తొలగించి, అతని స్థానంలో సందీప్‌ని డాన్స్ మాస్టర్‌గా నియమించినట్లు సమాచారం. ఫెడరేషన్, లేబర్ కమిషన్ నిర్ణయాల మేరకు ఉప ఎన్నికలు జరగవని, అవసరమైతే కార్యవర్గాన్ని రద్దు చేస్తామని ఫెడరేషన్ స్పష్టం చేసింది.