ఫిరాయింపు ఎమ్మెల్యేల కేసు విచారణ మళ్లీ వాయిదా; తదుపరి విచారణ జూలై 22

10 మంది BRS ఎమ్మెల్యేల ఫిరాయింపు వ్యవహారంపై తెలంగాణ హైకోర్టులో విచారణ మళ్లీ వాయిదా పడింది. పార్టీ మారలేదని స్పీకర్ గతంలో ఇచ్చిన తీర్పును సవాల్ చేస్తూ కొందరు ఎమ్మెల్యేలు దాఖలు చేసిన పిటిషన్లపై విచారణ జరిగింది.

హైకోర్టు స్పీకర్‌ను అనర్హత పిటిషన్లపై తీర్పు కాపీలను సమర్పించాలని ఆదేశించింది. అలాగే ఫిరాయింపు ఆరోపణలు ఎదుర్కొంటున్న ఎమ్మెల్యేలతో పాటు స్పీకర్‌కు కౌంటర్ దాఖలు చేయాలని నోటీసులు జారీ చేసింది. గత నోటీసులకు కౌంటర్ దాఖలు కాకపోవడంతో విచారణను వాయిదా వేసింది.

తదుపరి విచారణ జూలై 22న జరగనుంది. స్పీకర్ ఇచ్చిన తీర్పు కాపీలు సమర్పించాల్సిందిగా హైకోర్టు మరోమారు స్పష్టం చేసింది.