CJP వ్యవస్థాపకుడు అభిజీత్ దీప్కేపై ఢిల్లీ పోలీసులకు ఫిర్యాదు; వెంటనే అరెస్ట్ చేయాలని డిమాండ్

CJP వ్యవస్థాపకుడు అభిజీత్ దీప్కేపై ఢిల్లీ పోలీసుల కమిషనరేట్‌లో ఫైజాన్ అన్సారీ అనే వ్యక్తి ఫిర్యాదు చేశారు. దీప్కే అనుచరులు తనపై పుణె, ఔరంగాబాద్‌లో దాడులు చేశారని, అత్యవసరంగా దీప్కేను అరెస్ట్ చేయాలని అన్సారీ డిమాండ్ చేశారు. పుణె, ఔరంగాబాద్ దాడులకు సంబంధించి ఇప్పటికే రెండు కేసులు నమోదయ్యాయని, తాను రుజువులతో సహా ఫిర్యాదు ఇచ్చినట్లు అన్సారీ తెలిపారు. దీప్కేపై చర్య తీసుకోకపోతే భవిష్యత్తులో శాంతి భద్రతలకు ఇబ్బంది కలుగుతుందని హెచ్చరించారు. ఢిల్లీ పోలీసులు వాతావరణ కార్యకర్త సోనమ్ వాంగ్‌చుక్‌ను సకాలంలో డిటెయిన్ చేసి ఢిల్లీలో అశాంతి నివారించిన తీరును ప్రశంసిస్తూ, దీప్కే విషయంలోనూ అదే వేగంతో చర్య తీసుకోవాలని కోరారు. ఫిర్యాదు స్వీకరించిన ఢిల్లీ పోలీసులు విచారణ ప్రారంభించినట్లు సమాచారం.