సెక్యూరిటీ తగ్గింపు రాజకీయం కాదన్న డీజీపీ: సమీక్ష కమిటీ నిర్ణయం

సెక్యూరిటీ తగ్గింపు నిర్ణయాన్ని రాజకీయం చేయవద్దని తెలంగాణ డీజీపీ జితేందర్ అన్నారు. సెక్యూరిటీ రివ్యూ కమిటీ సమగ్రంగా సమీక్షించి, ప్రస్తుత పరిస్థితికి అనుగుణంగా నిర్ణయం తీసుకుందని వివరించారు.

గతంలో మావోయిస్టు ముప్పు ఉన్న నేపథ్యంలో అనేక మందికి రక్షణ ఇచ్చారని, ఇప్పుడు ఆ సమస్య తగ్గడంతో సెంట్రల్ కమిటీ సభ్యులు సహా చాలా మంది సరెండర్ అయ్యారని, ఆయుధాలు సమర్పించారని చెప్పారు. ప్రభుత్వం మావోయిస్టు సమస్య లేదని ప్రకటించిందని గుర్తు చేశారు.

ఈ సమీక్ష ద్వారా 400 మంది సిబ్బంది, 20 బీపీ కార్లు, ఇతర వాహనాలు తిరిగి వచ్చాయని డీజీపీ తెలిపారు. ఖాళీగా ఉన్న పోస్టులు భర్తీ చేయడానికి, పెట్రోలింగ్ పెంచడానికి ఈ సిబ్బంది ఉపయోగపడుతుందన్నారు. ఎవరి భద్రతా పూర్తిగా తీసేయలేదని, అందరికీ మినిమం సెక్యూరిటీ కొనసాగిస్తున్నామని స్పష్టం చేశారు.