దిల్ రాజు డిస్ట్రిబ్యూషన్ లైనప్: రామాయణ, మైసా, వృషకర్మ రైట్స్

నిర్మాత, డిస్ట్రిబ్యూటర్ దిల్ రాజు వచ్చే రెండు నెలల్లో విడుదల కానున్న నాలుగు చిత్రాల డిస్ట్రిబ్యూషన్ రైట్స్ తీసుకున్నారు. నవంబర్ 5న విడుదలయ్యే 'రామాయణ' పార్ట్ వన్‌ను ఏపీ, తెలంగాణలో ఆయన సొంత బ్యానర్ అయిన SVC ద్వారానే విడుదల చేయనున్నారు.

నవంబర్ 6న ప్రేక్షకుల ముందుకు వస్తున్న సూర్య నటించిన చిత్రానికి నైజాం రైట్స్ దిల్ రాజు దక్కించుకున్నారు. నవంబర్ 27న విడుదల కానున్న రష్మిక మందన 'మైసా' చిత్రానికి నైజాం, విశాఖ రైట్స్ కూడా ఆయనే తీసుకున్నారు.

డిసెంబర్ 4న విడుదల కానున్న నాగచైతన్య 'వృషకర్మ' చిత్రాన్ని ఏపీ, తెలంగాణతో పాటు కర్ణాటకలోనూ ఆయనే విడుదల చేయనున్నారు. వరుసగా పెద్ద ప్రాజెక్టుల రైట్స్ తీసుకోవడం ద్వారా డిస్ట్రిబ్యూటర్‌గా దిల్ రాజు మళ్లీ యాక్టివ్ అయ్యారు.

నిర్మాతగా కూడా ఆయన పలు ప్రాజెక్టులపై పని చేస్తున్నారు. విజయ్ దేవరకొండ హీరోగా ఒక చిత్రం, హిందీలో సల్మాన్ ఖాన్-వంశీ పైడిపల్లి కాంబో చిత్రం ఉన్నాయి. అక్షయ్ కుమార్‌తో 'సంక్రాంతికి వస్తున్నాం' రీమేక్‌ను కూడా ఆయన నిర్మిస్తున్నారు.