డిజిటల్ బౌండరీస్తో ఆరోగ్యం: డాక్టర్ గోపి కృష్ణ సూచనలు

వైద్య నిపుణుడు డాక్టర్ గోపి కృష్ణ డిజిటల్ బౌండరీస్ గురించి పలు సూచనలు చేశారు. స్క్రీన్ టైం ఎక్కువగా ఉండే వ్యక్తులు కొన్ని జాగ్రత్తలు తీసుకోవాలని ఆయన తెలిపారు.

మొదటి సూచన: నిద్రకు ముందు కనీసం ఒక గంట ముందు ఫోన్, సోషల్ మీడియాను పక్కన పెట్టాలి. ఉదయం నిద్రలేచిన ఒక గంట వరకు ఫోన్ వాడకుండా ఉండాలి. దీనివల్ల యాంగ్జైటీ తగ్గి, రోజువారీ జీవితం సాఫీగా సాగుతుందని ఆయన వివరించారు.

20:20 రూల్ కూడా పాటించాలని చెప్పారు. ప్రతి 20 నిమిషాలకు ఒకసారి 20 అడుగుల దూరంలోని వస్తువును 20 సెకన్ల పాటు చూడాలి. ఇది కంటి ఒత్తిడిని తగ్గిస్తుంది.

సోషల్ మీడియాలో ఫాలోవర్ల సంఖ్య చూసి మెల్లగా ఫాల్స్ ట్రాప్లో పడిపోతామని, ఇది ఆందోళన పెంచుతుందని ఆయన హెచ్చరించారు. కొద్దిమంది నిజమైన స్నేహితులు చాలా విలువైనవారని, వారితో సమయం గడపడం వల్ల నిజమైన విశ్రాంతి లభిస్తుందని సూచించారు.

చివరిగా, వర్క్ నుంచి రెగ్యులర్ బ్రేక్ తీసుకోవాలని సలహా ఇచ్చారు. ప్రతి గంటకు 10 నిమిషాలు నడవడం వంటి చిన్న వ్యాయామం చేయాలి. చాలా మల్టినేషనల్ కంపెనీలు కూడా ఇలాంటి పద్ధతులు అమలు చేస్తున్నాయని ఆయన తెలిపారు.