వర్షాభావంతో కర్నూలు రైతులు కాడెద్దులు అమ్మకం

కర్నూలు జిల్లాలో వర్షాభావం కారణంగా రైతులు తమ కాడెద్దులను అమ్ముతున్నారు. సాధారణంగా జూన్‌లో కొనుగోలు చేసే ఎద్దులను ఫిబ్రవరి-మార్చిలో అమ్మాల్సి ఉంటుంది. కానీ, ఈసారి వర్షాలు లేకపోవడంతో పంటలు ఎండిపోయాయి. మేత లభించక పోవడంతో రైతులు జూలై నెలలోనే తమ ఎద్దులను సంతకు తీసుకువచ్చారు.

ఉమ్మడి కర్నూలు జిల్లాలోని అతిపెద్ద పశువుల సంత అయిన ఎమ్మిగనూరు సంతలో రైతులు ఎద్దులను విక్రయిస్తున్నారు. కర్నూలుతో పాటు తెలంగాణ, కర్ణాటక ప్రాంతాల నుంచి కూడా రైతులు ఇక్కడికి వచ్చారు. అయితే, అమ్మకందారులు అందించే ధరలు చాలా తక్కువగా ఉన్నాయని రైతులు ఆవేదన వ్యక్తం చేస్తున్నారు.

ఓ రైతు మాట్లాడుతూ, '18 ఎకరాలు సాగు చేశాం. వర్షాలు లేవు. మేతలు లేవు. ఇప్పుడు ఎద్దుల్ని అమ్మేందుకు వచ్చాం. కానీ ధర లక్షకు తక్కువగా చెప్తున్నారు' అని చెప్పాడు. మరో రైతు, 'లక్ష 25 వేలకు కొన్న ఎద్దును 40 వేలకు అడుగుతున్నారు' అని వివరించాడు.

సంతలో వ్యాపారులు తక్కువ ధరలకు ఎద్దులను కొనుగోలు చేసి వాటిని కబేలాలకు తరలిస్తున్నారు. చాలా మంది రైతులు సరైన ధర లభించక తమ ఎద్దులను తిరిగి తీసుకెళ్తున్నారు.