ఎల్ నినో ప్రభావం: ప్రత్యామ్నాయ పంటలపై వ్యవసాయ శాఖ ప్రణాళికలు

ఎల్ నినో ప్రభావం కారణంగా రాష్ట్రంలో వర్షాభావ పరిస్థితులు నెలకొన్నాయి. దీంతో సాగుపై రైతులు ఆందోళన చెందుతున్నారు. ఈ నేపథ్యంలో వ్యవసాయ శాఖ ప్రత్యామ్నాయ పంటల సాగు కోసం జిల్లాల వారీ ప్రణాళికలు రూపొందించింది.

వ్యవసాయ శాఖ మంత్రి తుమ్మల ఇప్పటికే ఈ ప్రణాళికలపై సమీక్ష నిర్వహించారు. జిల్లాల వారీగా రైతులు ప్రత్యామ్నాయ పంటలు వేసుకునేలా అధికారులు సూచనలు చేయాలని మంత్రి ఆదేశించారు. మండల స్థాయిలో రైతులకు ఎల్ నినో ప్రభావంపై అవగాహన కల్పించాలని కూడా సూచించారు.

వాతావరణ శాఖ సూచనల ప్రకారం రెగ్యులర్ పంటలకు బదులు ప్రత్యామ్నాయ పంటలు వేసుకుంటే రైతులకు నష్టం నివారించవచ్చునని నిపుణులు చెబుతున్నారు. వర్షాధారిత ప్రాంతాల్లో తక్కువ నీటితో పండే పంటలపై దృష్టి పెట్టినట్లు అధికారులు తెలిపారు.