తూప్రాన్‌లో విద్యార్థులకు ఎల్ నినో అవగాహన సదస్సు; నీటి వృథా ఆపాలని సూచన

మెదక్ జిల్లా తూప్రాన్‌లోని గీతా కళాశాలలో బుధవారం ఎల్ నినోపై అవగాహన సదస్సు జరిగింది. ఈటీవీ-ఈనాడు ఆధ్వర్యంలో నిర్వహించిన ఈ కార్యక్రమంలో విద్యార్థులు పాల్గొన్నారు.

సూపర్ ఎల్ నినో ప్రభావంతో వర్షాలు తగ్గి భూగర్భ జలాలు అడుగంటిపోతున్నాయని తూప్రాన్ ఆర్డీఓ బావయ్య వివరించారు. ప్రతి ఒక్కరూ నీటి వృథాను అడ్డుకోవాలని, భూగర్భ జలాల పెంపునకు కృషి చేయాలని ఆయన కోరారు. ఇళ్లలో అవసరమైనంత నీటిని మాత్రమే వాడాలని విద్యార్థులకు సూచించారు.

విపత్కర పరిస్థితులను సమర్థవంతంగా ఎదుర్కొంటేనే భవిష్యత్తు తరాలకు తాగు, సాగునీరు అందుతుందని తూప్రాన్ మున్సిపల్ చైర్‌పర్సన్ బొంది రజిని అన్నారు.

అనంతరం విద్యార్థులు నీటి సంరక్షణపై ప్రతిజ్ఞ చేశారు. తాగునీటి వ్యవస్థను పరిశుభ్రంగా ఉంచుకుంటామని, ప్రతి ఇంటికి ప్రతిరోజూ సురక్షిత తాగునీరు అందేలా సహకరిస్తామని వారు ప్రతిజ్ఞ చేశారు.