విజయవాడ భవానీపురంలో అన్న ఆస్తి వివాదంలో తమ్ముడిపై వందమందితో దాడి

విజయవాడ భవానీపురం పోలీస్ స్టేషన్ పరిధిలో అన్నదమ్ముల మధ్య గొడవ తీవ్ర రూపం దాల్చింది. ఖాదర్ అనే తమ్ముడిపై అతని అన్న షేక్ నాగూర్ సుమారు 100 మందికి పైగా వ్యక్తులతో దాడి చేశాడు. ఈ దాడిలో ఖాదర్ తీవ్రంగా గాయపడ్డాడు.

ఖాదర్ ఇచ్చిన ఫిర్యాదు ప్రకారం, షేక్ నాగూర్ తనపై ప్రాణహాని కలిగించేలా దాడి చేశాడు. ఇరువురి మధ్య గతంలో ఆస్తి తగాదాలు ఉన్నాయని పోలీసులు తెలిపారు. నాగూర్ ఇప్పటికే బైండ్ ఓవర్ కేసులో ముద్దాయిగా ఉండగా, విజయవాడలోని పలు పోలీస్ స్టేషన్లలో అతనిపై అనేక కేసులు నమోదయ్యాయి.

ఖాదర్ తన అన్నపై రౌడీ షీట్ తెరవాలని డిమాండ్ చేశాడు. ప్రస్తుతం నాగూర్ పరారీలో ఉన్నాడు. అతని కోసం పోలీసులు గాలింపు చర్యలు చేపట్టారు. ఇరువురిపై కేసులు నమోదు చేసే అవకాశం ఉన్నట్లు పోలీస్ వర్గాలు తెలిపాయి.