ఉత్తరాఖండ్లో ఎలక్ట్రిక్ ఫ్లయింగ్ కార్ ప్రోటోటైప్ విజయవంత పరీక్ష

ఉత్తరాఖండ్‌లోని అల్మోరా జిల్లాకు చెందిన యువ ఆవిష్కర్త రవి టంటా ఎలక్ట్రిక్ ఫ్లయింగ్ కార్ ప్రోటోటైప్‌ను విజయవంతంగా పరీక్షించారు.

ఆయన హాపిడా స్కై ప్రైవేట్ లిమిటెడ్ స్టార్టప్ ద్వారా హాపిడా స్కైనెక్స్ పేరుతో ఈ ప్రోటోటైప్‌ను రూపొందించారు. ఈ వాహనం పూర్తిగా విద్యుత్‌తో నడుస్తుంది. సంప్రదాయ ఇంధనం లేదా ఇతనాల్ అవసరం లేదు. ఇది సున్నా ఉద్గారాలు విడుదల చేస్తుంది.

కొండ ప్రాంతాల్లో రవాణా సౌకర్యాలు మెరుగుపరచడంలో ఇది ఉపయోగపడుతుంది. విపత్తు సహాయం, అత్యవసర వైద్య సేవలు, పర్యాటక రంగంలో కూడా ఇది ఎంతో ఉపయోగకరంగా ఉంటుందని నిపుణులు చెప్పారు.

ఈ విజయంపై ఉత్తరాఖండ్ సీఎం పుష్కర్ సింగ్ ధామి ఎక్స్ వేదికగా రవి టంటాను అభినందించారు. యువతలో ప్రతిభకు ఇది నిదర్శనమని ఆయన వ్యాఖ్యానించారు. నియంత్రణ సంస్థల అనుమతులు పొందిన తర్వాత భవిష్యత్తులో ఇది అందుబాటులోకి రానుంది.