ఏలూరు జిల్లాలో నాటు తుపాకుల ముఠా అరెస్ట్, హత్య ప్లాన్ భగ్నం

ఏలూరు జిల్లా చింతలపూడిలో నాటు తుపాకుల తయారీ ముఠాను పోలీసులు అరెస్టు చేశారు. పల్నాటి మహేష్ అనే వ్యక్తిని హత్య చేయాలనే కుట్ర పన్నిన ఇద్దరు నిందితులను ముందుగా అదుపులోకి తీసుకున్నారు.

వీరి విచారణలో తుపాకుల తయారీకి సంబంధించిన మరో ముగ్గురిని అరెస్ట్ చేశారు. నిందితుల నుంచి ఆరు నాటు తుపాకులు, నాలుగు తూటాలు, పేలుడు పదార్థాలు, తయారీ పరికరాలు స్వాధీనం చేసుకున్నట్లు పోలీసులు తెలిపారు.

సందక సాయిబాబు అనే నిందితుడికి తన వదినతో అనైతిక సంబంధం ఉంది. ఈ సంబంధానికి మహేష్ సహకరిస్తున్నాడని అనుమానించారు. దీంతో హత్యకు కుట్ర పన్నినట్లు విచారణలో తేలింది. చింతలపూడి సీఐ జంగారెడ్డి, డీఎస్పీ ఆధ్వర్యంలో ఈ ఆపరేషన్ జరిగింది.