EPFO కొత్త PF నియమాలు: 25% కనీస నిల్వ, UPI ద్వారా క్లెయిమ్స్

ఉద్యోగ భవిష్య నిధి సంస్థ (EPFO) త్వరలో కొత్త నియమాలను అమలు చేయనుంది. ఇకపై ప్రతి ఉద్యోగి తన PF ఖాతాలో కనీసం 25% నిల్వ ఉండేలా చూసుకోవాలని EPFO నిర్ణయించింది. తరచూ చేసే ఉపసంహరణల వల్ల పదవీ విరమణ సమయంలో కార్మికులకు చేతిలో తగినంత నిధులు లేకపోవడాన్ని గమనించి ఈ నియమం తీసుకొచ్చారు.

UPI ద్వారా నేరుగా PF క్లెయిమ్ చేసుకునే విధానాన్ని కూడా EPFO ప్రవేశపెట్టనుంది. ఆటోమేటెడ్ ప్రక్రియ ద్వారా క్లెయిమ్లు వేగంగా ఆమోదించబడి, నేరుగా బ్యాంకు ఖాతాలో డబ్బు జమ అవుతుంది. దీని కోసం EPFO తన కేంద్రీకృత IT వ్యవస్థలో మార్పులు చేస్తోంది. పాస్‌బుక్, మెంబర్, యాజమాన్యాల పోర్టల్ వెబ్‌సైట్‌ను ఈ నెల 30 వరకు మూసివేసి అప్‌గ్రేడ్ చేయనుంది. కొత్త వెబ్‌సైట్, క్లెయిమ్ వ్యవస్థ, నూతన పథకాలు, IT వ్యవస్థలు జూలై 1 నుండి అమలు కానున్నాయి.

2025-26 ఆర్థిక సంవత్సరానికి నిర్ణయించిన 8.25% వడ్డీని ఈ నెల 30 లోగా PF ఖాతాల్లో జమ చేయనున్నట్లు EPFO తెలిపింది.