బీజేపీ నేతలు ఈటల రాజేందర్, బండి సంజయ్ మధ్య సయోధ్య; కలిసి పని చేస్తారు

బీజేపీ రాష్ట్ర వ్యవహారాల ఇంచార్జ్ అభయ్ పాటీల్ జోక్యంతో ఎంపీ ఈటల రాజేందర్, కేంద్రమంత్రి బండి సంజయ్ మధ్య నెలకొన్న విభేదాలు సమసిపోయాయి. గత నెలలో జరిగిన ప్రత్యేక సమావేశంలో పాటీల్ ఇద్దరినీ ఒకే వేదికపైకి తెచ్చారు. పార్టీ బలోపేతం, భవిష్యత్ కార్యాచరణపై చర్చించారు.

ఆ సమావేశం తర్వాత ఇద్దరు నేతలూ కలిసి కట్టుగా వ్యవహరిస్తున్నారు. పార్లమెంట్ సమావేశాల సందర్భంగా ఢిల్లీలోని బండి సంజయ్ నివాసంలో ఎంపీల లంచ్ మీటింగ్ జరిగింది. ఈటలతో పాటు ఎంపీలు లక్ష్మణ్, కొండా విశ్వేశ్వర్ రెడ్డి హాజరయ్యారు. రాష్ట్రంలో పార్టీని బలోపేతం చేసే అంశాలు చర్చించినట్టు తెలిసింది.

ఇటీవల కేంద్ర నేత నితిన్ నబీన్ తెలంగాణ పర్యటన తర్వాత అభయ్ పాటీల్ రాష్ట్రానికి రావడంతో రాష్ట్రస్థాయి నేతలంతా ఐక్యతను ప్రదర్శించడం మొదలుపెట్టారు. ఢిల్లీ వెళ్లిన ఎంపీలు కలిసి కేంద్ర మంత్రులను కలసి రాష్ట్ర సమస్యలపై చర్చిస్తున్నారు. ఈ సమన్వయంతో పార్టీ క్యాడర్లో ఉత్సాహం కనిపిస్తోంది.