కరీంనగర్ ఆర్టీసీ బస్టాండ్‌లో ఈవీ బస్సులో మంటలు

కరీంనగర్‌లోని ఆర్టీసీ బస్టాండ్‌లో ఒక ఈవీ బస్సులో మంటలు చెలరేగాయి. సంఘటన సమయంలో బస్సులో ప్రయాణికులు లేరు. దీంతో ఎలాంటి ప్రాణ నష్టం జరగలేదు.

బ్యాటరీలో షార్ట్ సర్క్యూట్ వల్లే ఈ మంటలు చెలరేగినట్టు అధికారులు భావిస్తున్నారు. ఫైర్ సిబ్బంది వెంటనే స్పందించి మంటలను అదుపులోకి తీసుకువచ్చారు. ఇతర బస్సులకు మంటలు వ్యాపించకుండా వారు నివారించారు.

సంఘటన విషయం తెలియగానే ఆర్టీసీ అధికారులు డిపోకు చేరుకున్నారు. ఆర్ఎం, డీఎం తదితర ఉన్నతాధికారులు ఘటనా స్థలాన్ని పరిశీలించారు. ఫైర్ ఇంజన్లు నిరంతరం పనిచేసి మంటలను ఆర్పివేశాయి.

దాదాపు 15 రోజుల క్రితం అల్గునూరు దగ్గర కూడా ఈవీ బస్సులో మంటలు చెలరేగాయి. ఈవీ బస్సుల్లో వరుస ప్రమాదాలపై ఆందోళన వ్యక్తమవుతోంది. ఈవీ బస్సుల భద్రతపై ప్రశ్నలు తలెత్తుతున్నాయి.