ఫలక్నుమా కాళీమాత ఆలయం: విద్యార్థులు, భక్తులు ముడుపులు కడుతున్నారు

హైదరాబాద్ ఫలక్నుమాలోని కాళికామాత ఆలయానికి వందల ఏళ్ల చరిత్ర ఉంది. ఇక్కడ భక్తులు వివిధ కోరికల నెరవేర్పు కోసం ముడుపులు కడతారు.

ప్రతి సంవత్సరం పరీక్షల సమయంలో విద్యార్థులు hall ticket తీసుకొని ఆలయానికి వస్తారు. అమ్మవారికి కాళ్ళకు తాకించి తీసుకెళ్తారు. పరీక్షల్లో మంచి మార్కులు వచ్చిన తర్వాత తిరిగి వచ్చి మొక్కులు చెల్లిస్తారు.

సంతానం, వివాహం, ఉద్యోగం, visa కోసం భక్తులు ఐదు వారాలు లేదా పదకొండు వారాలు ఆలయానికి వస్తారు. గుమ్మడికాయ దీపాలు పెట్టడం ఇక్కడ ఒక ఆచారం. ప్రతి ఆదివారం అభిషేకం జరుగుతుంది. అమావాస్య రోజు జాతర నిర్వహిస్తారు.

పదో తరగతి రాసిన ప్రదీప్ అనే విద్యార్థి 405 మార్కులు వచ్చాయని తెలిపాడు. మరో విద్యార్థి కార్తీక్ 490 మార్కులు వచ్చాయని చెప్పాడు. ఇద్దరూ ముడుపు కట్టిన తర్వాత మంచి మార్కులు వచ్చాయని పేర్కొన్నారు.