అల్వాల్‌లో విద్యుత్ షాక్‌తో తండ్రీ కూతురు మృతి; భార్యకు తీవ్ర గాయాలు

మేడ్చల్ జిల్లా అల్వాల్ పోలీస్ స్టేషన్ పరిధిలోని టెలీకాం కాలనీలో విషాదం చోటుచేసుకుంది. గత రాత్రి కురిసిన భారీ వర్షానికి ఇంటి ముందు పార్క్ చేసిన కారుపై చెట్టు కొమ్మలు విరిగిపడ్డాయి.

వాటిని తొలగించే క్రమంలో సందీప్, అతని కుమార్తె రితికా విద్యుత్ షాక్‌కు గురయ్యారు. ముందుగా రితికా షాక్‌కు గురవ్వగా, ఆమెను రక్షించే ప్రయత్నంలో సందీప్ కూడా విద్యుత్ షాక్‌కు గురైంది. ఘటనా స్థలంలోనే ఇద్దరు మృతి చెందారు.

సాయం చేసేందుకు వెళ్లిన సందీప్ భార్య శ్వేతకు కూడా విద్యుత్ షాక్ తగిలి తీవ్రంగా గాయపడింది. స్థానికులు ఆమెను వెంటనే సమీప ఆసుపత్రికి తరలించగా, పరిస్థితి విషమంగా ఉన్నట్లు వైద్యులు తెలిపారు.

మూడు రోజుల క్రితం బండ్లగూడలో కూడా ఇలాంటి ఘటన జరిగింది. భారీ వర్షానికి రోడ్డుపై విద్యుత్ వైర్లు తెగిపడగా, ఆటో దిగిన ఇద్దరు వ్యక్తులు విద్యుత్ షాక్‌తో ప్రాణాలు కోల్పోయారు. వర్షాకాలంలో ఇలాంటి ప్రమాదాలు పునరావృతం కాకుండా చెట్ల కొమ్మలను ముందస్తుగా తొలగించడం, విద్యుత్ లైన్ల భద్రతా చర్యలు చేపట్టాల్సిన అవసరం ఉంది.