కర్నూలులో అగరబత్తి ఫ్యాక్టరీలో భారీ అగ్ని ప్రమాదం; ₹15 లక్షల ఆస్తి నష్టం

కర్నూలు జిల్లాలో శ్రీ లక్ష్మీ బాలాజీ ఆయిల్ మిల్ ప్రాంగణంలో ఉన్న దేవా అగరబత్తి ఫ్యాక్టరీలో శుక్రవారం భారీ మంటలు చెలరేగాయి.

ఫ్యాక్టరీలో అగరబత్తులు, పూజా ద్రవ్యాలు ఉండడంతో మంటలు వేగంగా వ్యాపించాయి. సమాచారం అందిన వెంటనే అగ్నిమాపక సిబ్బంది సంఘటన స్థలానికి చేరుకుని మంటలను అదుపులోకి తెచ్చేందుకు తీవ్రంగా శ్రమించారు.

ఈ అగ్ని ప్రమాదంలో సుమారు 15 లక్షల రూపాయల వరకు ఆస్తి నష్టం జరిగి ఉండవచ్చని అధికారులు ప్రాథమికంగా అంచనా వేస్తున్నారు. మంటలు చెలరేగడానికి ఖచ్చితమైన కారణాలు ఇంకా తెలియరాలేదు.

పోలీసులు కేసు నమోదు చేసి దర్యాప్తు ప్రారంభించారు. ఈ ఘటనలో ఎటువంటి ప్రాణ నష్టం జరిగినట్లు సమాచారం లేదు.