తెలంగాణకు 5 రోజుల వర్ష సూచన

వాతావరణ శాఖ రానున్న ఐదు రోజులు తెలంగాణలో వర్షాలు కురుస్తాయని అంచనా వేసింది. నైరుతి పవనాల ప్రభావం, బంగాళాఖాతంలో ఏర్పడిన ద్రోణి కారణంగా రాష్ట్రంలోని పలు జిల్లాల్లో తేలికపాటి నుంచి మోస్తరు వర్షాలు, కొన్ని చోట్ల భారీ వర్షాలు పడతాయని తెలిపింది.

జగిత్యాల, సిరిసిల్ల, మెదక్, కామారెడ్డి, నిజామాబాద్, పెద్దపల్లి, జయశంకర్ భూపాలపల్లి, మహబూబాబాద్, మహబూబ్‌నగర్, నాగర్‌కర్నూల్ జిల్లాల్లో భారీ వర్షాలు కురిసే అవకాశం ఉందని హెచ్చరించింది. ఉరుములు, మెరుపులతో పాటు గంటకు 40 నుంచి 50 కిలోమీటర్ల వేగంతో ఈదురుగాలులు వీస్తాయని అధికారులు తెలిపారు.

ఈ ఏడాది జూన్‌ 8న రుతుపవనాలు రాష్ట్రంలోకి ప్రవేశించినా, సగం ప్రాంతానికి మాత్రమే విస్తరించాయని, ఇటీవలి ఎండలు, వడగాలులు ఉత్తర తెలంగాణలో తీవ్రత పెంచాయని శాక పేర్కొంది. 27వ తేదీ వరకు వర్షాలు కొనసాగుతాయని, ఆ తర్వాత రుతుపవనాల కదలికలను బట్టి మరిన్ని వర్షాలు పడవచ్చని అంచనా వేసింది.