ఈశాన్య భారతంలో భారీ వరదలు: అస్సాం, అరుణాచల్ లో 45,000 మంది ప్రభావితం; అమిత్ షా సమీక్ష

ఈశాన్య భారతదేశంలో భారీ వర్షాలకు అస్సాం, అరుణాచల్ ప్రదేశ్ తీవ్రంగా ప్రభావితమయ్యాయి. అస్సాంలో 45,000 మంది ప్రజలు వరదల్లో చిక్కుకున్నారు, ఒక వ్యక్తి గల్లంతయ్యాడు.

అస్సాంలోని ఐదు జిల్లాలు—చిరాంగ్, తిన్సుకియా, దిబ్రూగఢ్, లఖీంపూర్, నల్బారి—తీవ్రంగా ప్రభావితమయ్యాయి. సుమారు 46,000 మంది ప్రజలు వరద నీటిలో చిక్కుకున్నారని అధికారులు తెలిపారు.

అరుణాచల్ ప్రదేశ్ లో 12 జిల్లాల్లో జనజీవనం స్తంభించింది. భారీ వర్షాలు, కొండచరియలు విరిగిపడటంతో ఈస్ట్ సియాంగ్ జిల్లాలో ఎనిమిది ప్రధాన రహదారులు మూసివేశారు. లేడం, కోరం గ్రామాల్లో పలు ఇళ్లు కూలిపోయాయి. వరద ప్రభావిత ప్రాంతాల నుంచి ప్రజలను సురక్షిత ప్రాంతాలకు తరలించారు.

కేంద్ర హోమ్ మంత్రి అమిత్ షా అస్సాం ముఖ్యమంత్రి హిమంత బిశ్వ శర్మకు ఫోన్ చేసి వరద పరిస్థితిని సమీక్షించారు.