హైడ్రోజన్ ట్రైన్‌తో ప్రపంచంలోనే భారత్ ఘనత: ప్రధాని మోదీ

దేశంలో తొలి హైడ్రోజన్ ట్రైన్ ప్రారంభమైందని ప్రధాని నరేంద్ర మోదీ ప్రకటించారు. ఎర్రకోట వేదికగా జరిగిన ప్రసంగంలో ఆయన ఈ విషయం తెలిపారు. భారత్ ఇంధన రంగంలో కొత్త అధ్యాయం ప్రారంభించిందని, ఇక ప్రపంచంలో వెనుకబడి ఉండబోమని ఆయన అన్నారు.

దేశంలో తొలిసారిగా హైడ్రోజన్ ఇంధనంతో నడిచే రైలును ప్రారంభించినట్లు ప్రధాని తెలిపారు. ప్రపంచంలోని హైడ్రోజన్ ట్రైన్లలో ఇదే అత్యంత పొడవైనది, అత్యంత శక్తివంతమైనదని ఆయన పేర్కొన్నారు. హైడ్రోజన్ ట్రైన్ల రంగంలో భారత్ తన పతాకాన్ని పాతిందని ప్రధాని మోదీ వ్యాఖ్యానించారు.

హైడ్రోజన్ ఇంధనాన్ని రవాణా రంగంలో స్వచ్ఛమైన ప్రత్యామ్నాయంగా భావిస్తున్నారు. డీజిల్, విద్యుత్ తర్వాత హైడ్రోజన్ ట్రైన్ ఒక కొత్త మార్గం. రైల్వే రంగంలో కాలుష్యం తగ్గించే దిశగా ఇది కీలకమైన అడుగు.