AI క్వాలిటీ చెక్ విఫలమైన ఫోర్డ్, 350 మంది రిటైర్డ్ ఇంజనీర్లను తిరిగి నియమించింది

ఫోర్డ్ మోటార్ కంపెనీ తన క్వాలిటీ కంట్రోల్ విభాగంలో సీనియర్ ఇంజనీర్ల స్థానంలో AI సాఫ్ట్‌వేర్ ప్రవేశపెట్టిన ప్రయోగం విఫలమైంది. AI వ్యవస్థ వాస్తవ ప్రపంచ లోపాలను గుర్తించలేకపోవడంతో, కంపెనీ భారీ స్థాయిలో రీకాల్స్, ఆర్థిక నష్టాలను ఎదుర్కొంది.

కొన్నాళ్ళ క్రితం, ఫోర్డ్ కంపెనీ ఖర్చు తగ్గించే ఉద్దేశంతో దశాబ్దాల అనుభవం ఉన్న వందలాది మంది సీనియర్ ఇంజనీర్లను తొలగించింది. వారి స్థానంలో 900కు పైగా AI కెమెరాలు, రోబోట్లను ఏర్పాటు చేసి క్వాలిటీ చెకింగ్ పూర్తిగా ఆటోమేటెడ్ చేసింది. కానీ, AI కేవలం రూల్‌బుక్‌ల ప్రకారం పని చేయడంతో, తయారీలో వచ్చే చిన్న చిన్న ప్రాక్టికల్ లోపాలను గుర్తించడంలో విఫలమైంది.

ఫలితంగా లోపాలున్న కార్లు మార్కెట్లోకి వచ్చాయి. కస్టమర్ల నుంచి తీవ్ర ఫిర్యాదులు రావడంతోపాటు, అమెరికాలో అత్యధిక రీకాల్స్ చేసిన కంపెనీగా ఫోర్డ్ నిలిచింది. లక్షల సంఖ్యలో కార్లు రీకాల్ కావడంతో, కంపెనీకి వందల కోట్ల రూపాయల నష్టం వాటిల్లింది.

ఈ పరిస్థితిని గమనించిన ఫోర్డ్ యాజమాన్యం, AI వల్ల ప్రాక్టికల్ నాలెడ్జ్ లేనట్లు గ్రహించింది. వెంటనే తాము ముందు తొలగించిన, రిటైర్డ్ అయిన దాదాపు 350 మంది సీనియర్ ఇంజనీర్లను తిరిగి నియమించింది. వీరిని 'గ్రే బర్డ్స్' అని పిలుస్తారు. ఈ ఇంజనీర్లు తిరిగి వచ్చిన తర్వాత, ప్లాంట్లోనే లోపాలను గుర్తించడం ప్రారంభించారు. వారు జూనియర్ ఇంజనీర్లకు, AI వ్యవస్థలకు శిక్షణ ఇస్తున్నారు. ఫలితంగా కంపెనీ మళ్ళీ వందల కోట్ల ఆర్థిక నష్టాన్ని తప్పించుకుంది.

ఈ సంఘటన, AI అనేది ఒక సాధనం మాత్రమే అని, మానవ అనుభవాన్ని, ప్రాక్టికల్ నైపుణ్యాన్ని పూర్తిగా భర్తీ చేయలేదని రుజువు చేస్తోంది. AI వ్యవస్థలకు శిక్షణ ఇవ్వడానికి, పర్యవేక్షించడానికి మానవ నైపుణ్యం ఎంత అవసరమో ఫోర్డ్ ఉదాహరణ చూపిస్తోంది.