కడపలో వాటర్ డ్రమ్లో నాలుగేళ్ల బాలిక మృతి: పోలీసులు దర్యాప్తు

కడప జిల్లా లింగాల మండలం లోపట్నుతల గ్రామంలో నాలుగేళ్ల నిత్విక అనే చిన్నారి వాటర్ డ్రమ్లో విగతజీవిగా కనిపించింది.

తల్లిదండ్రులు రామాచారి, సృజన ఇచ్చిన ఫిర్యాదు ప్రకారం, గతంలో తమతో గొడవలు పడుతున్న స్వాతి అనే మహిళపై వారు అనుమానం వ్యక్తం చేశారు. పోలీసులు కేసు నమోదు చేసి స్వాతి ఇంటి వద్ద సీసీ కెమెరా ఫుటేజీ, డాగ్ స్క్వాడ్, క్లూస్ టీం సాయంతో ఆధారాలు సేకరిస్తున్నారు.

డీఎస్పీ మురళీ నాయక్ మాట్లాడుతూ, "నిత్విక కడుపులో నీళ్లు ఉన్నాయి. ఆ నీటిని సీల్ చేసి ఎఫ్ఎస్ఎల్‌కు పంపిస్తాం. డ్రమ్ నీటితో పోల్చుతాం. ఇరు కుటుంబాల మధ్య గత ఏడాది ఆగస్టు నుంచి చిన్నచిన్న గొడవలు ఉన్నాయి. గతంలో ఐదుగురిపై బౌండ్ ఓవర్ కేసు నమోదు చేశాం, వారు నిబంధనలు ఉల్లంఘించినట్లు తెలిసింది. ఈ విషయాన్ని ఎంఆర్వోకు నివేదిస్తాం" అని తెలిపారు.

అన్ని కోణాల్లో విచారణ జరిపి నిందితులను గుర్తించి చర్యలు తీసుకుంటామని ఆయన చెప్పారు. ఎఫ్ఎస్ఎల్ రిపోర్టు వచ్చిన తర్వాత దర్యాప్తు మరింత ముమ్మరం చేస్తామని పోలీసులు తెలిపారు.